Учуутал.. Бу биир тылга элбэх суолта түмүллүбүт. Учуутал хас биирдии киһиэхэ төрөппүт кэриэтэ буолар..Учуутал олоххо бэлэмниир, үөрэх киэҥ аартыгын арыйар. Учуутал үтүөҕэ үөрэтэр, оҕо дьоҕурун кэҥэтэр.. Алтынньы 5 күнүгэр аан дойду үрдүнэн биһиги бу уустук идэни талан үлэлии-хамныы сылдьар учууталлары, ветераннарын чиэстиибит.. Саха сиригэр,Учууталлар историяны да сэгэтэн көрдөххүнэ, бука, саарбаҕа суох, Саха интеллигенциятын төрүттээбиттэрэ, Саха норуота сайдарыгар сүҥкэн кылааты киллэрбиттэрэ. Быйыл биһиэхэ, Өспөх нэһилиэгин оскуолата 105 сааһын туолар, улууспут биир кырдьаҕас оскуолата диэн бэлиэтэнэр. Төһө да оскуолабытыгар оҕо ахсаана аҕыйаан турарын үрдүнэн, Өспөх нэһилиэгин оскуолатыгар истиҥ сыһыан олохтоон, дьиҥнээхтии оҕо туйгуннук үөрэнэригэр, олоххо активнай буоларыгар кыһаллан, үөрэтэн-такайан күнүстэри-түүннэри үлэлииллэр-биһиги учууталларбыт! Бу оскуолаттан элбэх оҕо ситиһиилээхтик үөрэнэн, улахан киһи олоҕор кынаттаммыта, элбэх медалист, активист бүтэрбитэ.. Улуус, Өрөспүүбүлүкэ араас хабааннаах күрэхтэригэр, олимпиадаларыгар нэһилиэкпит оҕолоро сыллата ситиһиилээхтик кытталлар. Ити барыта учуутал сыралаах үлэтин түмүгэ! Күндү учууталларбыт, ытыктабыллаах ветеран учууталларбыт! Барҕа махтал буолуохтун эһиэхэ сыралаах үлэҕит иһин! Оскуолабыт аана сабыллыбакка, билии киэҥ аартыгар өссө да элбэх оҕону кынаттаатын!
