Бүгүн 27.04.2023. Саха Өрөспүүбүлүкэтин күнүгэр, «Сайдам» култуура уонна спорт киинигэр тапталлаах нэһилиэкпит официальнай символикатын, ол эбэтэр, былаахпытын уонна дьаралыкпытын ылыныы үөрүүлээх быһыыта-майгыта тэрилиннэ! Ону тэҥэ, саҥа оҥоһуллубут доҕуһуолга Өрөгөй ырыата бастакытын ылланна! Бүтүн омукпут огдолуйбат оҥкулун,кэйбэрийбэт кэтит кэскилин түстүүр долгутуулаах күммүтүн тоҥолохтон тутуһан,илиилэртэн ылсыһан төрүт өбүгэбит үгэһинэн Оһуохайдаан уруйдаатыбыт-айхаллаатыбыт!

Саха Өрөспүүбүлүкэтин күнэ!

• 

• 

• 

• 

• 

• 

🔱⚜️🔱⚜️🔱⚜️🔱⚜️
Муус устар 27 күнүгэр, 2022 сылга, Өспөх нэһилиэгэр Саха АССР төрүттэммитэ үбүлүөйдээх 100 сылыгар аналлаах тэрээһин ыытыллынна👏🏽 Нэһилиэк олохтоохторо бу дириҥ суолталаах, бүтүн Саха омугар ураты күҥҥэ көхтөөх кыттыыны ыллылар. Сайдам култуура уонна спорт уораҕайыгар уостан түспэт Саха сирин туһунан ыллам ырыалар ылланнылар,хомоҕой хоһооннор хоһулуннулар,ону сэргэ өбүгэлэрбит төрүт үгэстэринэн,өрөгөйдөөх оһуохай ыытылынна. Кырдьаҕастыын, эдэрдиин эйэ дэмнээхтик илии-илиигэ ылсыһан Саха буолан сандаарбыт сүдү суолталаах бэлиэ күммүт кэйбэрийбэт кэтит кэскилин түстээтилэр, уруйдаан-айхаллаан,сүргэлэрэ көтөҕүллэн тарҕастылар👏🏽 Бу Өрөгөйдөөх Өрөспүүбүлүкэбит 100 сылыгар,Өспөх нэһилиэгин үрдүнэн 7 туруйа эргийдэ.»Үтүөнү үксэтээри»- диэн дьон-сэргэ бэлиэтии көрдө!