Аҕа дойду сэриитигэр Өспөх нэһилиэгиттэн 85 киһи аттаммыта, 47 киһи сэрии толоонугар дьоруойдуу охтубута… Төһө да кэм-кэрдиис кэннибитигэр хаалбытын үрдүнэн, сыл-хонук элэҥнээн да аастар, биһиги Улуу Кыайыыны уһансыбыт убайдарбытын, аҕаларбытын,эһээлэрбитин,хос эһээлэрбитин, тыыннарын дойдуларын туһугар толук уурбут буойун саллааттарбытын, тыылга күнүстэри-түүннэри үлэлээбит чулуу дьоммутун, сэрии уодаһыннаах сылларын эттэринэн-хааннарынан билбит дьоммутун- сэргэбитин умнуо суохтаахпыт! Кинилэр дойдуларыгар бэриниилэрин холобур оҥостобут, үтүө ааттарыгар сүгүрүйэбит! Ким да умнуллубат! Туох да умнуллубат!!!
